Arestado ang tatlo ka mga persona samtang isa naman ang nakapalagyo sa ginpatigayon nga Drug bust operation sa ginapahayag nga Drug Den sa Brgy. Punta Tabuc, Roxas City.
Ang mga arestado amo sanday alyas Ramir, alyas Richard, kag alyas Ryan, samtang ang nakapalagyo naman amo si alyas Nat, lunsay residente sang syudad sang Roxas.
Sa interview sang Bombo Radyo kay Mr. Jury G. Rocamora, Investigation Agent V, sang Philippine Drug Enforcement Agency, Capiz Provincial Office, iya ginpahayag nga masobra isa ka bulan ang monitoring sang mga otoridad sa mga arestado antes natigayon ang madinalag-on nga operasyon.
Suno kay Rocamora, nakuha sa mga arestado ang pito tanan ka sachet sang suspected shabu.
Natalana naman ipaidalom sa forensic laboratory sang PDEA ang tatlo ka indibidwal nga arestado kag magapangatubang sa kaso nga paglapas sa Republic act 9165 ukon Comprehensive Dangerous Drugs Act of 2002.
