-- ADVERTISEMENT --
Dakop ang tatlo ka mga persona sa ginkasa nga buy bust operation sang Philippine Drug Enforcement Agency (PDEA)-Capiz sa Railway Street, Barangay Punta Tabuc, sining syudad.
Ginkilala ang nagkaladakpan kanday Daniel Dela Cruz, 46-anyos, residente sang Brgy. Milibili, Cristina Agana, 30-anyos, residente sang Brgy. Dumulog kag Bethel Hope Peroja, 41-anyos kag residente sang Railway, Brgy. Punta Tabuc, Roxas City.
Nakuha sa paghinakop sang nagkaladakpan ang 27 tanan nga sachets sang ginaalegar shabu, sling bag nga nagaduag itom, mga lighter, aluminum foil, empty plastics kag P500 nga buybust money.
Magapangatubang ang mga ini sa kaso nga paglapas sa Republic Act 9165 ukon Comprehensive Dangerous Drugs Act of 2002.
