Pilason ang tatlo ka mga persona sa vehicular accident sang duha ka mga motorsiklo sa Barangay Bolo, Roxas City.
Ang mga pilason amo sanday alyas “Aby”, nga amo ang nagamaneho sang isa ka motorsiklo kag residente sang Barangay Lawaan kag ang angkas sini nga si alyas “Cris”, residente sang Barangay Punta Tabuc, Roxas City.
Pilason man ang driver sang isa pa ka motorsiklo nga ginpahayag menor de edad kag residente sang Barangay Lanot Roxas City.
Sa interview sang Bombo Radyo kay Police Chief Master Sergeant Ramil Arcangeles, Public Information Officer sang Roxas Component City Police Station, iya ginapahayag nga lunsay nakigan sa syudad san Roxas ang duha ka mga motorsiklo kag padulong kuntani sa Barangay Lanot sa nasambit nga syudad.
Suno kay Arcangeles, nagliko sa nawala nga bahin sang kasalda si alyas aby kag hinali nalang nga nabunggu-an sang nagasunod nga motorsiklo.
Sa subong, padayon nga ginabulong pa sa ospital ang tatlo ka mga biktima sa amo nga insidente.
