CULASI, ROXAS CITY – Natigayon lamang sa isa ka semana ang natabo nga pagkinawatay sa Culasi Elementary School.
Sa interview sang Bombo Radyo kay Barangay Secretary May Necesario sang nasambit nga barangay, ginpahayag sini nga base sa ginpabalhag sa ila sang isa sa mga manunudlo nga nataban sang kawatan ang duha ka electricfan nga gin-donate sang mga ginikanan.
Sa kasubong man nga semana, natigayon man nga makawatan ang isa pa ka hulot-klasehan sa amu man nga eskwelahan kung sa diin nataban sang kawatan ang duha ka electricfan, duha ka gasul kag P150.00 nga kwarta.
Mahibaluan nga base sa mga manunudlo, ginapahayag nga posible nakasulod ang kawatan sa isa ka hulot-klasehan pinaagi sa pagransak sang main door kag sa isa naman ka classroom pinaagi sa pagwasak sang kesame.
Bangud sa asud-asud nga insidente sang pagkinawatay may ginahimo na nga mga tikang ang Barangay Officials sang Barangay Culasi kung sa diin gindugangan pa ang mga Barangay Tanod nga naga-roving sa tion sang gab-i.
