Tatlo ka mga oil tanker ang naglupok kag nasunog samtang nagabiyahe sa Strait of Hormuz.
Suno sa pahayag sang IRGC, nag-agi ang mga tanker sa ruta nga indi otorisado sang Iran. Apang wala gintumod sang grupo ang ngalan kag pungsod nga ginhalinan sang mga barko.
Sa separado, ang isa ka British maritime agency nagreport nga ang isa ka tanker nasunog sang Sabado sa Strait of Hormuz, malapit sa Khasab, Oman, nga nagtuga sang pag-evacuate sang mga tripulante sini. Ginapahayag nga isa pa ka tanker ang naigo man sang wala matumod nga bagay.
Sugod sang paglupok sang inaway sa Iran sang ulihi nga bahin sang Pebrero, hugot nga ginlimitahan sang Tehran ang pag-agi sang mga barko sa Strait of Hormuz kag gin-require sila nga maggamit sang mga ruta nga gintugutan sini.
Bilang sabat, ang Estados Unidos nagpatuman sang naval blockade sa mga pantalan sang Iran kag nagbulig sa mga tanker nga mag-agi sa Strait of Hormuz.
