Ang tawge ang manamit nga kan-on ilabi na kun ibutang ini sa vegetable lumpia.
Mahapos ini pangitaon kag mahimo man ini nga matanum sa panimalay.
Sa isa ka pagtuon nga gin-review ni Dr. Arefa Cassoobhoy, isa ka oard-certified internal medicine doctor kag Advisory Board Member sang Medscape Internal Medicine, ang tawge ang may madamo nga nutrisyon nga madulot sa lawas sang tawo.
Ini ang manggaranon sa vitamin C, protein kag fiber.
Ini man ang nagabulig agud nga malikawan ang mataas nga blood pressure ukon hypertension bangud sang protein content nga ginatawag nga peptides.
Makabulig man ini agud nga malikawan ang cancer bangud ginapahinay sini ang pagtubo sang cancer cells lakip na sa breast cancer, leukemia, kag digestive system cancers.
Nagapanami man ini sang digestive system sang lawas sang tawo.
Bangud sang mataas nga lebel sang antioxidants, makabulig man ang tawge agud nga malikawan ang pag-develop sang common nga mga eye conditions kaangay sang macular degeneration (AMD) kag katarata.
Ginabalanse man sini ang cholesterol kag nagapanubo sang blood fat nga ginatawag nga triglycerides.
