Duha ka kadalag-an na lamang ang kinahanglan sang Team Asia agud makuha ang kampeonato sang Reyes Cup Crown.
Mahibaluan nga ang nasambit nga hubon may yara na sang 9-3 nga iskor, matapos ang tatlo ka adlaw nga billiard games kung sa diin ang una nga grupo nga makakuha sang 11 puntos ang mangin daog.
Matandaan sadtong Huwebes, nangin madinalag-on ang Asia Team sa iskor nga 5-3 sa doubles match nga ginpangunahan ni Pinoy cue master Carlo Biado kag Aloysius Yapp.
Antes sini, gintapos naman sang doubles nga sanday Jayson Shaw kag Francisco Sanchez Ruiz ang anum ka hampang sang grupo nga pakulbon sanday Ko Pin Yi kag Johann Chua sang Pilipinas sa iskor nga 5-3.
Apang nagapati naman si Pinoy billiard player Johann Chua nga masarangan sang Team Asia ang nabilin nga hampang.
Ang Reyes Cup, gintukod bilang pagkilala sa Pinoy legendary billiard great nga si Efren “Bata” Reyes.
