Nagapadayon ang kampanya sang Team Philippines sa 2Oth Asian Games sa Aichi-Nagoya, Japan kon sa diin naka-record na ang pungsod sang duha ka bronze medals kag nagapabilin ang tsansa nga madugangan ang medalya sa masunod nga mga hampang.
Suno kay Bombo Bryan Bayut, International Correspondent sa Japan, lakip sa mga nakakuha sang medalya amo sanday Bien Zoleta, Princess Catindig, Christy Sanosa, Hilary Paas kag Shyryn Salazar sang Women’s Soft Tennis Team, kag Carlos Alvarez sa traditional MMA.
Dugang pa sini, may kahigayunan pa nga madugangan ang medal sang pungsod matapos nga nakaabante si Jean Claude Saclag sa gold medal match sang traditional MMA.
Nagapanguna naman sa medal tally sang Asian Games ang China, Japan kag South Korea.
Pahayag pa niya madamu pa sang balantayan nga mga hampang ang Team Philippines, lakip na ang mga kompetisyom sa artistic gymnastics sang mag-uto nga sanday Carlos kag Eldrew Yulo.
Nagalaum man ini nga madugangan pa ang medalya sang Pilipinas sa nasambit nga kompetisyon.
