Handa na ang Team Spain para sa FIFA World Cup 2026 kun sa diin pagaatubangon nila ang defending champion nga Argentina sa grand finals.
Suno kay Bombo Maria Edzel Lamparero Lopez,International Correspondent sa Spain, puno sang pagsalig ang kampo sang Spain apisar naapektuhan ang ila katapusan nga outdoor training bangud sang mabaskog nga ulan sa New Jersey.
Sa baylo, nagpadayon ang koponan sa indoor warm-up kag tactical preparations agud masiguro nga handa gihapon ang tagsa ka manughampang para sa championship match.
Ginsiguro man sang Team Spain nga kompleto ang ila lineup para sa finals, lakip na ang mga key players nga sanday Lamine Yamal, Rodri kag Mikel Oyarzabal, nga ginakabig nga mangin importante sa ila kampanya para makuha ang ikaduha nga World Cup title sang pungsod.
