Ginpangunahan sang Warriors superstar nga si Stephen Curry ang Team USA kag nakapagkit sang 24 ka puntos, samtang 17 ka puntos naman ang kontribusyon sang Miami Heat bigman nga si Bam Adebayo.
Ginpakita sang Team USA ang offensive firepower sang mga ini matapos sini tambakan ang Team Serbia sang 26 ka puntos sa nagapadayon nga exhibition games antes ang Paris Olympics.
Nangin mabakod ang duwa ka hubon tubtob sa pagtakup sang first half apang, pag-abot sang 3rd quarter, nagsugod ang Team USA nga magbuhos sang sunod-sunod nga mga puntos.
Natapos ang ikatlo nga quarter nga may 25 ka puntos nga abanse ang US.
Matandaan, nga ini na ang ikatatlo nga exhibition game sang Team USA kag ginapadayon ang malimpyo nga record sang mga ini.
Nakahampang na man si Boston guard Derrick White kasunod sang pagbulos sini kay Kawhi Leonard.
Liwat nga magakontrahanay ang Serbia kag US sa game proper sang Olympics.
Samtang, nakalinyada naman ang duwa ka hubon sa Group C kag magahampang sa palaabuton nga Hulyo 28.
