Ginsiling sang Department of Justice nga kinahanglan mag-deploy sang mga ‘technical divers’ agud matumod kun matuod nga ginlubong sa Taal lake ang 34 ka mga nagkaladula nga manugbulang.
Sa isa ka pahayag ni Secretary Jesus Crispin Remulla, ginsiling sini nga kinahanglan sang mga technical divers sa pagpangita sang mga bangkay.
Ini agud makumpirmar ang ginbuyagyag sang akusado nga nagpakilala nga si alyas ‘Totoy’ nga ginpahayag ginpanglubong sa Taal Lake sa Batangas ang mga nagkaladula nga mga manugbulang.
Tungod sini, luyag sang Department of Justice nga ini ang matumod bangud sa paathag ni Remulla, responsibilidad ini sang gobyerno.
Padayon pa suno sa iya ang pagtipon sang impormasyon sang talatapan sa case buildup kadungan sang pag-ako nga mabudlay magsalang sang isa ka kaso nga hindi pa buo ukon wala pa sang kasiguraduhan.
Ginpakigbahin man ni Department of Justice Secretary Jesus Crispin Remulla nga bukas ang talatapan sa kun sin-o man nga makahatag sang impormasyon nga makabulig agud masolbar ang kaso.
