Technical malfunction, ginalantaw nga rason sang pagtibusok sang helicopter sa Qatar

Ginalantaw sang mga otoridad nga technical malfunction ang rason sang pagtibusok sang isa ka helicopter sa Qatar.

Nagresulta ini sa kamatayon sang pito  ka persona nga ginalakipan sang apat ka Qatari military personnel, isa ka Turkish serviceman kag duha ka technician halin sa Turkish defense company.

Suno kay Bombo Joseph Rivera, International Correspondent sa Qatar, iya ginpahayag nga ang nasambit nga helicopter ang kabahin sang ginahimo nga military exercises sang nasambit nga pungsod.

Dugang pa ni Rivera, ginakabig sang mga otoridad nga isa lamang ini ka isolated incident.

Gin-athag man sini nga ang amo nga insidente ang indi kahimuan sang pagpang-atake sang Iran.