Ginkakas na sang Department of Agriculture (DA) ang temporaryo nga pag-ban sa pag-import sang mga kasapatan kag produkto nga mahimo maigo sang foot-and-mouth disease (FMD) naggikan sa Hungary.
Ang ini nga tikang ang ginhimo matapos ginbalik sang World Organisation for Animal Health (WOAH) ang FMD-free status sang containment zone sang Hungary.
Sa idalom sang Department Circular No. 34, mahimo na nga padayunon ang pag-import sang mga sapat, karne, kag animal by-products gikan sa Hungary.
Apang, tanan nga shipment ang ipaidalom gihapon sa sanitary kag veterinary regulations sang DA.
Suno kay Agriculture Secretary Francisco Tiu Laurel Jr., nagapabilini nga prayoridad sang gobyerno ang pagprotekta sa livestock industry batok sa mga balatian nga halin sa iban nga pungsod.
