Ginpahayag ni President Ferdinand Marcos Jr., nga maga-endorso siya sang isa ka kandidato para sa 2028 presidential elections.
Apang, temprano pa agud pagapangalanan ang kandidato bangod posible pa magbag-o ang sitwasyon sa politika.
Suno sa Presidente, ginausisa sang iya partido nga Partido Federal ng Pilipinas ukon PFP ang posibilidad sang pag-alyansa sa iban nga partido.
May mga ngalan na nga nagalutaw kag may mga survey man nga ginahimo para matukod ang suporta sang publiko sa mga posible nga kandidato.
Apang, suno kay Marcos, indi pa klaro kon ano ang matabo sa palaabuton bangod mahimo pa magbag-o ang sitwasyon sa politika.
Suno sa Presidente, handom sang iya partido nga makapili sang pinakamaayo nga kandidato nga magapadayon sang mga programa sang iya administrasyon.
