Labi pa nga naglala ang tensyon sa Middle East matapos gin-anunsyo sang Revolutionary Guards sang Iran nga ginguba sini ang isa ka command and control center kag drone hangars sa Jordan, isa ka kilala nga kaalyado sang Estados Unidos.
Kasunod ini sang pag-atake sang Estados Unidos batok sa Iran bilang sabat sa ginaalegar pag-target sang Tehran sa isa ka barko sa Strait of Hormuz.
Una na nga gindeklarar sang Iran nga sirado na ang key sea route kag nagpaandam nga mahimo sini targeton ang iban pa nga mga base sang kaaway sa rehiyon sa tion nga may liwat nga pag-atake batok sa ila.
Samtang nagpagwa naman sang mga pahayag ang mga otoridad sa United Arab Emirates, Bahrain kag Qatar nga gin-atake man ang ila nga pungsod.
Padayon naman nga ginabantayan sang mga pungsod sa rehiyon kag sang international community ang madasig nga nagalala nga inaway, nga mahimo magtuga sang mas malapad nga krisis sa Middle East.
