Nagapati ang isa ka abogado nga posible nga magpadayon ang tensyon sang pila ka mga senador samtang nagapadayon ang mga sesyon sang Senado.
Sa interview sang Bombo Radyo kay Atty. Joenar Pueblo, President sang Philippine Arbitration Center in the Visayas, iya ginpahayag makita ang daku nga distansya sang duha ka grupo sa Senado bangud sa nagkalain-lain sang ila mga politikal nga panindugan.
Suno kay Pueblo, daw kaangay ginahungod gid nga indi magtambong sang pila ka senador sa mga sesyon nga nagadala sang delay sang pila ka importante nga mga buluhaton sang Senado.
Pahayag pa niya, importante ang pagkahiusa sang mga miyembro sang Senado agud masiguro ang pagtalakay sang mga isyu nga ginaatubang sang pungsod.
Dugang pa sang natungdan, nagakinahanglan sang kooperasyon ang magkatuhay nga bahin agud indi maapektuhan ang operasyon kag mga responsibilidad sang Senado.
