Nagluntad ang gamay nga tensyon sa tunga nanday Senator-judge Robin Padilla kag House Lead Prosecutor Gerville Luistro sa impeachment trial matapos ginpanindugan ni Padilla nga wala sang kinamatarong ang House prosecution nga mag-usisa sa mga senator-judges samtang nagapahayag ini sang manifestation.
Natabu ini matapos nga nagpangayo sang paathag si House Lead Prosecutor Gerville Luistro angut sa pahayag ni Padilla tuhoy sa mga senador-judges nga may ginapangatubang nga legal nga kaso apang ginadumilian sa pagtambong sa impeachment court proceedings.
Ginhatagan pagtamod ni Padilla nga maathag ang iya pahayag kag indi dapat pagkwestyunon sang prosecution.
Suno kay padilla manifestation ang iya ginahimo kag indi ang pagpamangkot.
Gin-athag man ni Presiding Officer Senator Francis “Chiz” Escudero nga ang pahayag ni Padilla isa gid man ka manifestation kag indi isa ka pamangkot nga nagakinahanglan sang sabat gikan sa House prosecution.
