Labi pa nga nagdabdab ang tensyon sa tunga sang mga awtoridad kag mga demonstrador sa Minneapolis matapos ang suno-sunod nga insidente sang pagpangluthang nga nagalakip sang mga opisyal sang federal law enforcement.
Naglapta ang protesta subong nga semana kasunod sang mga insidente nga nagtuga sang kaakig kag kahadlok sa komunidad.
Sang Miyerkules, gintiro kag ginpatay sang isa ka opisyal sang federal ang isa ka tawo nga ginpahayag nagpalagyo sa isa ka traffic stop kag nagtinguha sa pagsalakay sa mga opisyal.
Ginsundan pa gid ini sang Sabado sang isa pa ka pagtiro sa diin ang 37-anyos nga pumuluyo sang Minneapolis ang napatay sa isa ka engkwentro sa mga federal agents.
Ang ini nga serye ang may kaangtanan sa nauna nga insidente sang Enero 7 sa diin napatay ang 37-anyos nga iloy nga si Renee Good sa isa ka operasyon sang U.S. Immigration and Customs Enforcement (ICE).
Bilang sabat, hugot nga ginpakamalaut ni Mayor Jacob Frey ang administrasyon ni U.S. President Donald Trump kag gin-akusahan man si Vice Presidente JD Vance nga napaslawan sa pagpahaganhagan sang tensyon sa syudad.
Apisar nga nagapadayon ang mga protesta, ginpahayag ni Frey nga ngapabilin nga malinong ang ginabanta 15,000 ka mga nagaprotesta.
Suno sa Department of Homeland Security, ginpahayag nga ginpalapitan sang biktima ang mga opisyal sang U.S. Border Patrol nga may dala nga pusil kag nagbalos nga gintunaan sang patal nga pagpangluthang.
