-- ADVERTISEMENT --
Labi pa nga naglala ang tensyon sa Yemen matapos nga naglunsyar sang opensiba ang militar batok sa mga rebelde nga Houthi nga suportado sang Iran sa Red Sea.
Bilang sabat, naghimo man sang pag-atake ang Houthi rebels batok sa Saudi Arabia, nga isa ka kaalyado sang gobyerno sang Yemen.
Nagpasalig ang gobyerno sang Yemen nga magapadala sang dugang nga pwersa sa baybayon sang Red Sea matapos ginkontrol sang mga rebelde ang port city sang Mokha kag isa ka isla sa Bab-el-Mandeb Strait.
Ginabulubanta nga masobra 80,000 ka mga tawo ang napilitan nga magpalagyo bangud sa nagapadayon nga tensyon, samtang pila ka naman ka mga sibilyan ang ginreport nga napatay sa kinagamo.
