Madinalag-on nga ginpatuman sang Department of Social Welfare and Development – National Household Targeting Office ang test run para sa ” i-Registro.
Ini isa ka Dynamic Social Registry para sa mga potential beneficiaries sang DSWD.
Sa isa ka pahayag ginsiling ni DSWD-NHTO Director Jimmy Francis Schuck II, nga tinutuyo sini nga programa agud pabaskugon ang social protection system sa Pilipinas.
Suno sa ahensya, ginsuguran ang Dynamic Social Registry sang nasambit nga programa sa mga munisipalidad nga sakop sang Pateros sa Metro Manila, Cordova sa Cebu, kag Floridablanca sa Pampanga.
Sa una nga phase sang programa, nakatutok ini sa self-service registration kag information authentication sang mga nagabusong kag nagapadede nga iloy nagikan sa mga natumod nga pilot testing site.
Kadungan sang initial run, madinalag-on mannga nadeoloy ang mga web portal sa mga pilot site.
Ini ang kabahin man sa pagtimakas sang gobyerno sa digital transformation kag modernisasyon nga mga proseso sang gobyerno.
