Pito ka tawo ang kumpirmado nga napatay lakip ang naghimo sang krimen kag 15 pa ang napilasan kasunod sang insidente sang pagpangluthang sang isa ka teenager nga estudyante sa isa ka eskwelahan sa Bangkok, Thailand.
Ang pagpangluthang natabo sa prestihiyoso nga Debsirin Nonthaburi School sa distrito sang Bang Kruai, probinsya sang Nonthaburi, nga nahamtang sa aminhan-nakatundan sang Bangkok.
Ang suspetsado isa ka 14-anyos nga estudyante sang amo nga eskwelahan.
Gingamit sini ang sa pagpangluthang ang 9mm pistol nga ginapanag-iyahan sang iya lolo.
Santo sa imbestigasyon sang mga kapulisan, antes magpadulong sa eskwelahan, ginluthang kag ginpatay sang suspek ang iya lolo kag lola sa ila puluy-an.
Sang ulihi nagsulod ini sa sulod sang eskwelahan kaina sang aga kag nagpalupok sang masobra 26 ka bala.
Ang insidente nagtuga sang kakugmat kag kagamo samtang ang mga estudyante nagdinaguso sa pagpanago sa sulod sang ila mga hulot-klasehan.
Ang pito ka fatalities ginalakipan sang tatlo ka manunudlo, duha ka estudyante, kag lolo kag lola sang suspek.
Kasunod sang krimen, naghikog ang suspek gamit ang amo man nga pusil.
