Sa tion sang impeachment trial, ginkwestyon ni Senator-judge Raffy Tulfo ang posible nga conflict of interest kon ang GenCorp magpartisipar sa isa ka public bidding process sa Davao City, nga ginapangunahan sang utod ni Vice President Sara Duterte, si Mayor Baste Duterte.
Ginpamangkot ni Senador Raffy kon bala mahimo nga mag-intra ang GenCorp sa bidding kon ang Bise Presidente may yara sang ownership interest sa kompaniya.
Nagsabat si Lead Prosecutor Gerville Luistro nga kun mapamatud-an nga may stake ukon ownership interest si Vice President Duterte sa nasambit nga korporasyon, indi dapat mag-intra ang GenCorp sa bidding sang Davao City.
Suno kay Luistro, ang amo nga sitwasyon mahimo nga magsulod sa conflict of interest nga ginatumod sang Article VII, Section 13 sang 1987 Constitution.
Samtang ginpanindugan naman ni Sen.Raffy nga indi dapat limitahan ang isyu kun regular ukon irregular ang paghatag sang kontrata.
