ROXAS CITY – Tuman ang kasadya nga nabatyagan sang The Next Bombo Idol Champion sa Elementary level bangud sang iya nga na-angkon nga kadalag-an.
Sa interview sang Bombo Radyo kay Janella Nydle Pechardo sang Sapian Elementary School, Sapian, Capiz, iya ginpahayag nga grabe ang kulba nga iya nabatyagan samtang ginahiwat ang kompetisyon apang natigayon man niya nga mapatpat ang mga impormasyon sang topiko nga gindeisgnar sa iya.
Suno kay Pechardo, wala siya nag-ekspektar nga magdaog bangud ini ang una nga bes nga nagpasakop siya sa isa ka extemporaneous speaking contest.
Pahayag pa niya, daku gid nga bulig ang iya preparasyon nga pagbasa kag pagpamati mga balita sa Hiligaynon agud nga mas mahanas ang iya sini nga pagpatpat.
Nagapasalamat man ang natungdan sa tanan nga nagsuporta sa iya halin sang umpisa tubtob sa nakuha niya ang kadalag-an.
INTERVIEWED BY: BOMBO SUNNIE MAE BATENCILA VIA BOMBOHANAY BIGTIME
