Mixed emotions ang nabatyagan sang The Next Bombo Idol Champion sa Secondary Level sa iya sini nga pagdaog.
Sa interview sang Bombo Radyo kay Deniece Doloso sang Inzo Arnaldo Village Integrated School, iya ginpahayag nga wala ini makabatyag sang anuman nga kakulba apang sang nag-umpisa na ini pulpog sang drum, didtu na kag nag-umpisa ini nga makabatyag apang natigayon man nga matapos ang pagpatpat sang iya nga topiko nahanungod sa pagtilaw sang online kag hybrid learning.
Suno kay Doloso, nangin daku nga bulig ang nasambit nga kompetisyon agud nga mas mahanas pa ang iya nga abilidad sa patag sang public speaking.
Pahayag pa niya, ang mga words of encouragement kag indi pag-pressure sa iya sang iya nga ginikanan kag coach ang nagbulig sa iya agud nga makuha ang kadalag-an.
Dugang pa sang natungdan, magapadayon ang iya paghatag inspirasyon sa kapareho niya nga kabataan nga mangin maisog sa pagpatpat sang ila sentimyento kag opinyon sa mga nagakalatabo sa palibot.
