Wala gid nagdahum ang The Next Bombo Idol Champion sa Tertiary level nga makuha sini ang nasambit nga titulo.
Sa interview sang Bombo Radyo kay Richard Ticar sang Colegio De la Purisima Conception, iya ginpahayag nga daku gid ang iya nga pagpasalamat sa kahigayunan nga magpasakop sa The Next Bombo Idol.
Suno kay Ticar, wala gid ini nagadahum nga magdaog bangud nga masobra sa apat ka oras lang ang iya nga preparasyon sa topiko antes nagsalang sa kompetisyon.
Pahayag pa niya, ang masami niya nga pagbasa kag paglantaw sang mga impormasyon nga may kaangtanan sa public speaking ka gang iya nga eksperyensya sa hosting ang nangin advantage man sa iya nga performance sa pagkomentaryo.
Nagapasamalamat man ang natungdan sa iya ginikanan, coach, mga abyan , eskwelahan kag labaw sa tanan, sa Ginoo sa pagsalig kag pagsuporta.
