Obligasyon sang Department of the Interior and Local Government (DILG) protektahan si Vice President Sara Duterte, apisar pa nga nagpahayag ang bise presidente nga wala siya sang salig sa mga korte kag sa kapulisan.
Ini ang ginpahayag ni DILG Sec. Jonvic Remulla kasunod sa nangin statement ni Duterte sang Sabado, Setyembre 5 nga wala siya sang salig sa PNP nga yara sa idalom sang DILG.
Nagsabat naman si Remulla kag nagsiling nga wala sang rason si Duterte nga magkahadlok ukon magkabalaka.
“Trust is earned. In time she must feel that we will never mean her harm. We are duty bound to protect her together with all Filipinos,” suno kay Remulla.
Dugang pa niya, ang PNP subong wala nagahimo sang extrajudicial killings sa diin natapos na ini sang tuig 2022 pa.
“The PNP today is not involved in [extrajudicial killings]. That policy stopped in 2022,” dugang niya.
Pahayag ni Remulla , ipaguwa niya ang body camera footage sang pagserbisyo sang warrant of arrest kay Duterte kag sang iya pag-file sang piyansa.
“It was the people around her she must look out for. They told us where she was,” dugang ni Remulla.
Antes magpiyansa sa Quezon City Regional Trial Court (RTC) sang Sabado, liwat-liwat nga nagsiling si Duterte nga wala siya nakabatyag nga safe siya.
