Ginpanginwala ni Vice President Sara Duterte nga siya ang rason sang kagamu subong sa pulitika.
Pahayag ini ni VP Sara kasunod sang ginsiling ni Rep. Jay Khonghun nga indi matabu ang kagamu nga ini sa karun sa pulitika kun wala naghandum ang bise nga mangin presidente sang temprano.
Pahayag pa ni Duterte, ang 2022 presidency ang sa iya gid.
Nagdaug suno siya sa surveys kag nag-ugyon ang mga tawo para sa iya kandidatura.
Una na nga nagfile si Duterte sang iya kandidatura bilang alkalde sang Davao City.
Sang nagdugay nagbag-o ang iya panghuna2x kag nagdesisyon nga magpadalagan kaupod si Presidente Ferdinand Marcos Jr.
Samtang, nagpamalibad naman si Duterte nga magkomento sa pahayag ni Marcos nga indi siya pabor sa anuman nga pagtuyo nga i-impeach ang bise bangud indi ini mapuslan sang kabuhi sang mga Pilipino.
Nagpamalibad man siya nga magkomento sa pagpasugot ni Marcos nga makigbati na sa iya.
