Tiangge guba matapos nga aksidente nga ginbungguan sang multicab sa banwa sang Dumarao, Capiz

ROXAS CITY – Naguba ang pila ka porsyon sang tyangge matapos nga aksidente nga mabungguan sang multicab sa Barangay Poblacion Ilaya, Dumarao Capiz.

Ginkilala ang tag-iya sang tiyangge nga si Meladin Aritalla, sang amo nga lugar.

Sandig sa inisyal nga imbestigasyon sang Dumarao Municipal Police Station, samtang ginasubay sang multicab ang dalanpn sakay ang wala nagpakilala nga driver, ginaalegar nga nadulaan ini sang preno rason nga bumunggo ini sa amo nga tiyangge.

Dako nama ang pagpasalamat sang tag-iya nga wala sila nakatulog sang tion nga nabungguan ang tyangge sang amo nga salakyan.

Samtang ginpasalig naman sang driver nga abagahon sini tanan nga mga kagastuhanan sa  pagpakaayo sa salakyan kag tindahan.