ROXAS CITY -Nagapati ang tiayon sang 54-anyos nga retired army kag supervisor sang isa ka security agency nga pagpangawat ang motibo sang ginapahayag riding in tandem nga nagtiro patay sa biktima sa Barangay Bolo, Roxas City.
Sa interview sang Bombo Radyo kay Juvy Borda, tiayon sang biktima nga si Joniffer Borda nga pagpangawat ang motibo sang duha ka mga suspetsado nga nagtiro sa iya bana.
Ginpanindugan sang ginang nga mabuot ang iya bana kag wala man ini sang may gintuad nga kaaway antes ini napatay.
Samtang nagapati man ang ginang nga posible may yara sang kahilabtanan ang pila ka mga kaupdanan sini nga mga guwardiya sa kamatayon sang iya bana.
Ini bangud pigado subong indi malayo nga interesan sang iya mga kaupdanan ang kuwarta apang indi man sini direkta matumod ang mga suspek.
Nagapati man ang ginang nga nagbato ang bana sini sang tion nga ginkuha sa iya ang bag rason nga gintiro ini sang mga suspek.
Ginpahayag ni Borda nga nakahibalo ang mga suspek sa lakat sang iya bana partikular ang pagwithdraw sang kuwarta nga inugpasuweldo sa mga guwardiya sang Gold Claw Security Agency.
