Nangin matawhay ang bahin sang Cagay Catholic Cemetery sa pagkomemorar sang tigkalalag.
Sa interview sang Bombo Radyo kay Barangay Kagawad Isidro Aragon, iya ginpahayag nga nangin napabilin ang kalinong kag katawhay sa guwa kag sulod sang nasambit nga patyo.
Suno sa iya, apisar nagdugok ang tawo nga nagabisita sa ila mga nagtaliwan nga himata, wala sang may nabalhag nga insidente sang pag-ilinaway sa bulig sang mga katapo sang kapulisan kag bumbero subong man ang pagpabilin sang maayo nga lakat sang trapiko sa bulig naman sang Traffic Management Unit sang syudad sang Roxas.
Pahayag pa niya, mas madamu ang mga nagbisita sang nagligad nga tuig kun ikumpara subong nga tigkalalag 2025.
Dugang pa sang natungdan, magluwas sa tigkalalag,naka alerto naman ang bug-os nga barangay council sa posibildad nga pag-igo sang Bagyo Tino sa probinsya sang Capiz.
