ROXAS CITY-Wala na sang kabuhi ang isa ka tigulang matapos nga nasapwan sa kauyaparan nga sakup sang Barangay Bag-ong Barrio, Tapaz Capiz.
Ginkilala ang biktima nga si Merlita Jiminez, residente sang nasambit nga lugar.
Sandig sa inisyal nga imbestigasyon sang Tapaz Municipal Police Station nga nakabaton ini sila sang pagpanawag gikan kay Punong Barangay Rogelio Lorania nga may yara sang nasapwan nga bangkay sang isa ka tigulang nga babayi sa nasambit nga lugar.
Sa pagrespondi sang mga kapulisan nakita nga may yara sang mga pilas sa magkatuhay nga porsyon sang kalawasan ang biktima.
Mahibaluan nga antes pa nasapwan ang biktima, naglisensya ini sa iya mga himata nga mapadulong sa ila nga uyapad apang wala na ini makapauli.
Ginkakibot na lamang sang iya mga himata nga nasapwan na lamang nga isa ka bangkay ang biktima.
Sa karon natalana nga ipaidalom sa post-mortem examination ang lawas sang biktima agud matul-id ang ginatunaan sang iya nga kamatayon.
