Tigulang nasapwan nga patay sa iya balay sa banwa sang Dumalag

ROXAS CITY – Patay na sang nasapwan sa iya balay ang 70-anyos nga tigulang sa Barangay Sto. Angel, Dumalag, Capiz.

Ginkilala ang biktima nga si Vilma Labordo sang nasambit nga lugar.

Nahibaluan nga naglabay sa balay ni Labordo ang iya gumangkon, apang natingala ini nga udto na apang nagasiga pa ang suga sang tiya.

Gilayon sini nga ginpahibalo ang anak sang biktima nga amo ang nagbringka sang pirtahan.

Sa pagsulod sa balay ni Labordo, nakita ini nga wala na sang kabuhi.

Nagapati naman ang pamilya sang biktima nga wala sang foul play sa kamatayon sang ila himata.