Tigulang nasapwan-patay sa isa ka suba sa President Roxas

PRESIDENT ROXAS, CAPIZ – Patay na sang nasapwan ang isa ka tigulang nga babaye sa Barangay Carmencita, President Roxas Capiz.

Ang nasambit nga biktima ang ginkilala kay Remia Serna, 70 anyos sang banwa sang Sapian nga nasapwan na lamang nga nagapautaw-utaw sa suba sa nasambit nga lugar kag wala na sang kabuhi.

Nagpalab-ot sang impormasyon sa pulisya si Orlando Garcia Jr., 50 anyos nga nakit-an ni Freddie Legada, 57 anyos ang lawas sang nasambit nga tigulang sa Sitio Camansi, sa nasambit nga barangay.

Sa inisyal nga imbestigasyon ginapahayag nga posible nga nagutman ang biktima kag nadanlog samtang ini ang nagalakat sa suba bangud ginapahayag nga nagpadulong ini sa iya anak sa Barangay Hipona, banwa sang Pontevedra.