Tigulang nga biktima sang hit and run, ginbawian na sang kabuhi sa ospital

ROXAS CITY – Ginbawian na sang kabuhi samtang ginabulong sa ospital ang 82-anyos nga tigulang nga biktima sang hit-and run sa Barangay Banica, Roxas City.

Ginkilala ang biktima nga si Editha de Dios sang nasambit man nga lugar.

Matandaan nga aksidente nga nabungguan sang suspek nga si Tranquilino Magsucang Jr., 23-anyos sang Barangay Anhawon, Panay sang ginamaneho nga motorsiklo  ang biktima nga nagatabuk sa karsada.

Ginpaidalum sa pagbulong si de Dios apang ginbawian sang kabuhi samtang ginabulong sa ospital.