ROXAS CITY – Pilas ang na-angkon sang isa ka tigulang, matapos nga masanggit ini sang motorsiklo sa Barangay Rizal, Pontevedra Capiz, subong nga agad.
Sa inisyal nga impormasyon, ginkilala ang biktima kay Elizabeth Bones samtang ang drayber naman sang motorsiklo ang wala pa makilan-an.
Ginapahayag nga magatabok na kun tani ang biktima papauli sa ila balay apang aksidente naman ini nga ginsanggit sang suspetsado sa diin ba-se sa mga nakakita madasig ang pagpadalagan sini.
Bangud sini, gintestingan pa kun tani nga magpalagyo sang wala makilan-an nga suspetsado apang bangud kurbadahon ang dalan nadulaan ini sang kontrol kag natumba.
Nag-angkon sang pilas ang nasambit nga suspek.
Madasig naman nga ginrespondihan sang Pontevedra Emergency Response Team agud hatagan sang pauna nga pagbulong ang mga nagkalapilasan antes ginpadangat sa malapit nga ospital.
Sa karun nagapadayon pa ang imbestigasyon sang Pontevedra MPS, angut sa nagluntad nga insidente.
