Luyag nga ipabilin sa gihapon ni Gilas Pilipinas coach Tim Cone ang ginpatuman sini nga programa kag mga players sa paghampang nila sa FIBA Asia Cup sa bulan sang Agosto.
Ini ang kasunod sang mga pagkapiyerde sa last window sang FIBA Asia Cup Qualifiers kag sa 2nd Doha International Cup.
Ginpahayag sini nga importante nga ipabilin ang mga players apisar nga aminado ini nga nabudlayan siya sa pagkadula ni Kai Sotto nga nag-angkon sang torn anterior cruciast ligament (ACL).
Pag-eksplekar sini nga indi magbuhin ukon magdugang sang players ang Gilas depende na lamang sa mga anay player kun luyag nila nga magpabilin sa national team.
Pila sa mga problema kun magdugang sang mga players amo ang budget subong man ang oras nga pagbiyahe sa paghanas.
Matandaan nga matapos ang kadalag-an sa Qatar napaslawan ang Gilas sa Egypt kag Lebanon sa nagligad nga friendly game sa Doha.
Mangin sa final window sang FIBA Asia Cup Qualifiers napaslawan sila sa kamot sang Chinese Taipei kag New Zealand.
