Ginkwestyon ni Senator Bong Go ang timing sang pag-issue sang arrest warrant batok kay Vice President Sara Duterte may kaangtanan sa kaso nga grave threats.
Suno kay Go, makatilingala kun nga-a subong lang gin-issue ang warrant nga madugay na nga natabo ang insidente nga amo ang ugat sang kaso.
Ginhatagan pagtamod man sang senador nga kadungan ini sang nagapadayon nga impeachment trial kay Duterte sa Senado.
Nag-ugat ang kaso sa pahayag ni Duterte sang Nobyembre 2024, kon sa diin ginpahayag sini nga may ginsugo siya nga patyon sanday President Ferdinand Marcos Jr., First Lady Liza Araneta-Marcos, kag anay House Speaker Martin Romualdez.
Samtang ginpanindugan ni Go nga may ikasarang si Duterte nga atubangon ang mga panumbungon batok sa iya kag ma-avail ang iya kaugalingon sa mga legal remedies nga available sa iya.
