ROXAS CITY – Nagdugay sang malapit sa 20 minutos ang tinapungulay nga natabo sa binaylehan sa Sitio Ilawod, Brgy. Dinginan, Roxas City.
Sa interview sang Bombo Radyo kay Punong Barangay Iluminado Corros Jr. nga tatlo ka hugnat ang tinapungulay nga natabo nga ginkaulamiran sang masobra 20 man ka mga pamatan-on kag may ara man sang may mga edad na.
Suno pa diri nga hubog ang mga imbolbado sa rambol kag pagbinaisay ang ginsuguran sang pagtinapungulay.
Samtang, wala naman matumod kun sin-o ang nag-una sang panumbag.
Dugang pa ni PB Corros nga kadam-an taga Barangay Dinginan ang imbolbado sa nasambit nga kinagamo kag ang iban taga Barangay Sibaguan sini nga syudad.
Gilayon man ini nga gintambagan sang mga tanod sa lugar kag sang ulihi gindesisyonan nalang nga untaton ang binayle.
Isa ang naospital kag may yara sang mga nag-angkon sang minor nga kapilasan.
Samtang nagpa-settle naman ang iban sa Barangay.
