-- ADVERTISEMENT --
ROXAS CITY – Isa ka negosyante ang nagpa-rekord sa Roxas City PNP angut sa pagsulod kag pagpangawat sang wala makilala nga suspek sa ginapanag-iyahan nga store sa Barangay Tiza, Roxas City.
Ba-se sa report sang tagreklamo nga si Riza Ballonado 31-anyos nga magabukas na kuntani ini sang iya store sang madiparahan nga bukas na ang glass door kag exhaust fan kag nagaulukay na ang sulod sang amo nga balaligyaan.
Sa pagtsekyar sini natukiban sang negosyante nga nadula ang P4,265 nga cash, perfume kag pila pa ka mga baligya.
Sa karon gina-imbestigahan na sang kapulisan ang insedente agud matumod ang suspek.
