Tindahan sa Brgy. Punta Tabuc, Roxas City, ginkawatan; kapin 300k nga balor sang kwarta, nataban sang wala pa makilan-an nga kawatan

Natigayon nga nataban sang wala pa makilan-an nga kawatan ang kapin P300,000 pesos nga benta sang tindahan sa Barangay Punta Tabuc, Roxas City, Capiz.

Sa interview sang Bombo Radyo kay Punong Barangay Nestor Buenviaje, iya ginpahayag nga nagapadayon ang imbestigasyon sang mga kapulisan agud nga matumod ang amo nga kawatan.

Suno kay Buenviaje, base sa kuha sang Closed Circuit Television (CCTV), natabo las 4:00 sang kaagahon ang nasambit nga pagpangawat.

Pahayag niya, ginguba ang pirtahan sa likod nga bahin sang tindahan nga ginapatihan amo ang gin-agyan sang kawatan.

Nagpahaumdom naman ang natungdan sa publiko, nga siguraduhon nga may nagabantay sa mga balaligyaan agud malikawan nga mabitikma sang pagpangawat.