Ginpanindugan ni Police Staff Sergeant (PSSG) Arla Ray Paciencia, ang tiya ni alyas “Nash,” isa sa mga menor de edad nga suspek sa insidente sang pagpangluthang sa eskwelahan sa Tacloban City sang Hunyo 22, 2026, nga ilegal nga nagsulod sa iya balay ang iya himannlos kag ginkuha ang iya pusil.
Matandaan nga naguwa sa imbestigasyon nga gingamit sang pulis ang iya pusil kag nagpalupok sa San Jose National High School nga gintunaan sang kamatayon sang tatlo ka mga estudyante.
Sa iya pag-atubang sa Senate Committee on Women, Children, Family Relations and Gender Equality hearing sang Miyerkules, Hulyo 1, ginpahayag sang pulis nga ginpilit sang iya hinablos nga magsulod sa iya puluy-an antes natabo ang insidente.
Gin-athag ni Paciencia nga ang pusil ang yara sa sulod sang plastic locker nga ginkandaduhan kag ginbutang sa sulod sang gun box, kag siya lang ang may yara sang yabi sang iya balay kag sang nasambit nga suludlan.
Gin-ako man sang pulis nga ang gun vault nga iya gingamit ang indi bagay sa standard safety vault, kag sa iya paghunahuna bastante na ang seguridad sini bangud siya lang ang nagapuyo sa balay.
