Tiyangge nga nasunog sa Barangay Milibili, padayon nga ginaimbestigaran sang mga katapo sang BFP

ROXAS CITY-Padayon nga naimbestigaran sang mga katapo sang Bureau of Fire Protectrion-Poxas City Fire Station ang natabo nga sunog sa isa ka tiyangge sa Sitio Pamombongan, Barangay Milibili, Roxas City.

Ang nasambit nga tiyangge ang ginapanag-iyahan ni Maricel Bautista sang nasambit nga lugar.

Matandaan nga sandig sa interview sang Bombo Radyo Roxas sa bayaw ni Bautista nga posible nagikan ang sunog sa paglupok sang linya sang kuryente sa sulod sang puluy-an kabangdanan nga madasig nga ginkaon sang kalayo.

Nagapadayon pa sa karon ang ginapatigayon nga imbestigasyon sang mga otoridad angut sa nasambit nga insidente

Samtang padayon pa nga ginahibalo sang mga bombero ang gintunaan sang nasambit nga sunog.