ROXAS CITY-Kritikal sa ospital ang 35-anyos nga hinablos nga aksidente nalab-an sang tiyo sa Barangay San Jose, Roxas City.
Ginkilala ang biktima nga si Edberto Barredo nag-angkon sang pilas sa ulo matapos malab-an sang tiyo nga isa ka BPAT member nga si Rolando Avelino alyas Toto Pungkol.
Nagaguwa sa imbestigasyon sang Roxas City PNP nga naga-inum ang biktima kaupod ang mga abyan sang ginhambalan sang tiyo nga indi magtinunto kun makainum na.
Nahibaluan nga ginhimo sang tiyo ang panugyan sa biktima, matapos nakalab-ot sa iya ang impormasyon nga gingubat sang grupo ni Barredo si certain Bing-Bing Acta.
Bangud nabalaka sa hinablos nga maulamid sa kinagamo, ginlaygayan ini sang tiyo, apang ginaalegar nga ginkaakig pa ini ni Barredo sa diin sa iya pagpauli nagdala ini sang kutsilyo sa pagbalik.
Samtang nagalakat naman ang suspek nga may bitbit nga samurai, hinali may naghaboy sa iya.
Sa pagpati nga ang iya hinablos ang naghaboy, hinali niya ini nga ginlabo sa ulo.
Gilayon nga gindala sa ospital ang biktima kag gintudlo sang mga utod sini ang ila tiyo nga amo ang naglabo sa biktima.
Sa karon nakahunong na sa karsel sang Roxas City PNP ang nasambit nga BPAT member.
