ROXAS CITY – Nakahanda ang pamunuan sang Traffic Management Unit (TMU) nga magpatunga agud mahusay ang isa ka traffic auxiliary kag isa ka ginang nga nagbaisay sa Burgos Talipapa, Burgos Street, Roxas City nga nakuhaan sang video sang isa ka netizen.
▶Ginang, nagpaathag natuhoy sa naglapta nga video kun sa diin nakabais sini ang isa ka traffic auxiliary
Ini ang ginpahayag ni TMU Head Gonzalo Andrada sang mainterview sang Bombo Radyo.
Suno kay Andrada, bukas ang ila talatapan para kay Mildred Galagate kun luyag sini nga makighinala ang traffic auxiliary nga si Jonee Alabot agud matapos na ang amo nga isyu.
Ginpahayag sini nga ulihi na siya gintundaan natuhoy sa natabon rason nga pagkamasunod nga adlaw pa sini nakahinala si Alabot.
Suno pa diri nga kuntani ginpahibalo lamang siya sang mas temprano agud nahimo pa nga maticketan si Galagate bangud klaro suno diri nga nakakomiter siya sang illegal parking sa amo nga lugar.
Ginsaway naman sini si Alabot bangud sa kapaslawan nga masuksok ang iya nga ID sang tion sang iya nga duty.
Apang sa karon suno kay Andrada, base sa iya pag-usisa kay Alabot, nakahanda ini nga magpasaka sang reklamo batuk kay Galagate bangud sa natabo.
