Padayon ang operasyon sang Traffic Management Unit ukon TMU sang Roxas City batok sa mga colorum nga tricycle kag mga motorista nga wala nagasunod sa proper safety gear.
Sa interview sang Bombo Radyo kay Gonzalo Andrada, Head sang Traffic Management Unit, iya ginpahayag nga ang katuyuan sang operasyon amo ang masiguro ang kaluwasan sang mga motorista kag pasahero sa dalanon.
Suno kay Andrada, ang mga madakpan nga wala helmet may multa nga 500 pesos.
Samtang ang sa colorum, 1,500 pesos ang first offense, 3,000 pesos ang second offense kag 5,000 pesos ang third offense.
Dugang pa sini, nga ang mga motorista nga wala lisensya mahimo man nga pagmultahan sang 1,000 pesos.
Nagapanawagan man ini sa publiko nga magsunod sa traffic rules kag safety regulations agud malikawan ang aksidente.
