TNT import nga si Bol Bol, gin-memohan sang Philippine Basketball Association bangud sa pag-snub sa mga fans kag media

Nagpagwa sang memorandum ang PBA Commissioner’s Office si TNT import nga si Bol Bol.

Ginpahanumdom kay Bol Bol nga may responsibilidad siya nga makig-angot sa mga fans kag mga katapo sang media.

Nagpirma si PBA Commissioner Willie Marcial sa pagpadala sang memo sa Tropang 5G matapos nagpamalibad si Bol Bol nga magpartisipar sa mga post-game interviews apisar nga ginhingadlan siya nga Best Player of the Game.

Ginpahayag nga gintinguhaan sang TNT team manager nga si Jojo Lastimosa ang tanan agud mapasugot ang South Sudanese kag anay NBA player sa interview.

Gindepensahan naman ni TNT Chot Reyes si Bol Bol nga naga-adjust lang ini sa sahi sang hampang sa Philippine Basketball Association.