Naangkon sang TNT Tropang Giga ang kampeonato sang PBA 49th Season Commissioner’s Cup matapos ginlampaso ang Barangay Ginebra sa score nga 87-83 sa overtime Game 7.
Ginakabig nga nangin baganihan sa kadalag-an sang TNT si Glenn Khobuntin nga napasulod ang crucial nga three points sa nabilin nga 2:22 nga overtime para makuha nila ang 85-79 nga abanse.
Naglab-ot lamang sa overtime ang hampang sang mapasulod ni Justin Brownlee sang Ginebra ang iya nga three-point sa nabilin nga 16.7 seconds sang last quarter.
Pagsulod sang extra time napabilin sa gihapon sang TNT ang ila nga composure apisar nga may ginabatyag nga injury sa paghampang ang ila import nga si Rondae Hollis-Jefferson.
Ini na ang pang-11 nga PBA title sang TNT kag pangaduha sa 49th season kun sa diin isa ka conference title na lamang kag maangkon na nila ang grand slam.
