Nalampuwasan sang TNT Tropang 5G ang challenge sang guest team Macau, sa iskor nga 119-112, sa nagapadayon nga Season 50 PBA Commissioner’s Cup sa Smart Araneta Coliseum.
Nagpanguna si Import Bol Bol sa kadalag-an nga may 37 points kag 14 ka rebounds, samtang naselyuhan naman ang kadalag-an bangud sa crucial free throws ni Jordan Heading sa katapusan nga bahin sang hampang.
Bangud sini nga kadalag-an, nagtaas sa 6-3 ang record sang tropa ni coach Chot Reyes kag nakabawi sa ulihi nga kapierdihan.
Samtang, ang rekord sang Black Knights nagnubo sa 1-8 pagkatapos nga napaslawan nga maka-score sa katapusan nga mga segundo.
Sa pihak nga bahin, gin-islan sang Converge ang ila import nga si Kylor Kelley kay Donovan Smith agud mabuhi liwat ang ila tsansa sa quarterfinals.
