ROXAS CITY – Malayo nga maapektuhan ang Tobruk city sa Libya sang padayon nga nagalala nga civil war sa Tripoli, sa nasambit nga pungsod.
Ini ang ginpahayag ni Bombo international correspondent Mary Arlene Zarate-Flores, tumandok sang Kimaya, Jasaan, Misamis Oriental nga nagatrabaho bilang isa ka nurse sa Tobruk Medical Center sang mainterview sang Bombo Radyo Roxas.
Suno kay Flores, nakasentro lamang sa Tripoli ang kinagamo rason nga limitado ang paguha sang iya mga abyan nga mga overseas Filipino Workers (OFW) sa nasambit nga lugar.
Makabaton lamang sila sang update angut sa sitwasyon sa nagalala nga tensiyon sa capital city sang Tripoli pinaagi sa presidente sang Filipino community sa lugar nga may direkta nga koneksiyon sa embahada sang Pilipinas sa Libya.
Magluwas suno sa iya sa Tripoli, hilway sa kinagamo ang kaiping nga mga siyudad bangud suno sa iya, kun indi sila sang safe, indi na sila maghulat pa sang mandatory repatriation antes magbiya sa lugar.
Ginapangabay man ni Flores ang safety sang iya kapareho nga mga Pinoy sa capital city sang Libya.
Sa karon, ginpataas na sa Alert Level 4 sang Department of Foreign Affairs (DFA) ang sitwasyon sang mga OFWs sa nasambit nga pungsod.
