ROXAS CITY – Sa ginpatigayon kaina nga sesyon sang Sangguniang Panlungsod nagdul-ong sang iya diskurso prebilihiyo si City Councilor Reynaldo Magallanes.
Kaungdan sini ang reklamo nga iya nabaton nagikan sa Toda operators sang Roxas City Airport Tricycle Drivers Association nga nagabiyahe sa bahin sang Roxas City airport.
Ginarekalmo sang mga ini ang mga drivers sang colorum nga kasubong sila na ang nagamayor sa pagpick-up sang mga pasahero.
Ginpahayag indi man sila makapila nga lehitimo nga tricycle drivers bangud nakaposisyon na ang mga colorum sa ila puwesto.
Samtang may alegasyon naman nga may yara sang CAAP personnel nga nagaprotekta sa mga colorum kag may yara pagid nagaserbe nga dispatcher nga amu ang nagakuha sang pasahero kag ginapasakay sa mga colorum.
Bangud diri igapatawag ni Magallanes ang CAAP manager, Roxas City Airport Police Station, Brgy. Kapitan sang Baybay subong man ang mga tagreklamo kag iban pa nga mga persona nga may kaangtanan diri.
Magapatigayon sang pagsinapol agud mahinalaan ang nasambit nga reklamo sa masunod nga semana.
